بدخشاننینگ ناتینچ و برقرارسیز وضعیتی، بوگون هم یفتل اولسواللیگیده طالبانگه قرشی خلق ناراضیلیگی و زیباک کبی ایریم حدودلرده اوروش و تۉقنهشوولر بیلن دوام اېتماقده دیر.
بدخشان ولایتیدن بۉلگن محلی منبعلرنینگ اۉزبېک تیوی گه ایتیشیچه، اوشبو وضعیت بیلن بیر وقتده، طالبان بدخشان ولایتیده سابق حکومت حربیلریگه نسبتن باسیملرنی کۉپهیتیریب، تورلی حدودلرده بو حربیلرنی ایزلهماقده.
منبعنینگ تاکیدلشیچه، مذکور حربیلر طالبان تامانیدن حبسگه آلینیش خوفی بیلن دوچ کېلگن و اۉزلرینی یشیریشگه مجبورلنگن.
بو شوندهی بیرحالده دیر که بوگون بدخشاننینگ زیباک اولسواللیگیده، طالبان و آزادلیک جبههسی اۉرتهسیده، تۉقنهشوولر دوام اېتهیاتگنی ایتیلهدی.
شو بیلن بیرگه، یفتل اولسواللیگیده هم، طالباننینگ بیر عیالگه قرشی قۉپال معاملهسی هم خلق ناراضیلیگیگه سبب بۉلگن.
