فاریاب ولایتینینگ سابق والیسی نقیبالله فایق، فیسبوک صحیفهسیده بیر بیانات یازیب، تخار و سرپل ولایتلریده، طالبان اهالی یېرلرینی زور بیلن ناقللرگه آلیب بېرگنیدن خبر بېردی.
جناب فایق، تخار ولایتی یشاوچیلریدن نقل قیلیب ایتیشیچه، یقینده تخارده طالبان والیسی، اهالیگه یېرلرینی ناقللرگه تاپشیرمهگن تقدیرده اولرنی اۉلدیریش بیلن تهدید قیلگن دېب معلوم قیلگن.
فایق جنابلری ترقهتگن بیاناتده تخارلیک بو شخصلردن نقل کېلتیریلیب، تخار والیسی اونینگ حضوریگه آلیب باریلگن ۷۰ کیشی تخار یشاوچیسیگه شوندهی دېگن دېب یازگن: «اویلرینگیز و یېرلرینگیزنینگ یریمینی ینگی کېلگن آدملرگه بېرینگلر، عکس حالده بیرارتهنگیز هم مېنینگ ادارهمدن تیریک چیقالمهیسیز.»
اوشبو بیاناتده، تخار بو اهالیسی، مذکور ولایتنینگ كتيك جر، سجانى و لاله گذر قیشلاقلریدن بۉلگنی هم قید اېتیلگن.
شو بیلن بیرگه، فاریاب سابق والیسی، طالبان قراری اساسیده، سرپل ولایتیده هم اهالی یېرلری ناقللرگه تاپشیریلیشیگه عاید بیر مکتوب نشر قیلگن.
اوشبو مکتوبده، سرپل ولایتینینگ لغمان و قلعهسوخته حدودلریده ۴۲۰ جریب یېر وردکلرگه تاپشیریلگنی معلوم قیلینگن.
