ایران اسلام انقلابی قۉریقچیلری امریکا نینگ «امکیو ۹» اوچووچیسیز اوچیش پهپادینی هرمز بۉغازی اوزره انیقلنیب، اوریب توشیریلگنینی معلوم قیلدی.
تسنیم اخبارات آژانسی خبریگه کۉره، سپاه مطبوعات خدمتی بوگون، دوشنبه (12 اسد) اوشبو درون حربي-کوسمیک کوچلرنینگ زمانهوي ایلغار هوا مدافعه تیزیمی تامانیدن نشانگه آلینیب یۉق قیلینگنینی بیلدیرگن.
شونینگدیک سپاه حادثه یوزهسیدن قۉشیمچه تفصیلاتلرنی آشکار قیلمهگن. اقش مرکزي قوماندانلیگی سنتکام اېسه حاضرچه بو دعواگه مناسبت بیلدیرمهگن.
بو واقعه امریکانینگ ایرانگه قرشی حربي هجوملری منطقه دولتلری نینگ کېسکینلیکنی کمهیتیریشگه قرهتیلگن سعی-حرکتلری آرتیدن ینه تۉختهتیلگن بیر پیتده یوز بېردی.
امریکا جمهور رییسی دونالد ترامپ هجوملر تېز آرهده کېلیشووگه اېریشیش شرطی بیلن تۉختهتیلگنینی ایتدی.
اونینگ تأکیدلشیچه، ایران بیلن مذاکرهلر بوگون باشلنهدی. بیراق ایران تامانی حاضرچه اقش بیلن هېچ قندهی مذاکرهلر آلیب باریلمهیاتگنینی معلوم قیلگن.
