طالبلرنینگ شهرسازلیک و اوی-جای وزیرلیگی قَیتیب کېلگن۶۵ مینگ ۱۵۴کیشی مهاجر عایلهگه اوی-جای قوریش اوچون یېر اجرهتیلگنینی معلوم قیلدی.
وزیرلیک بوگون (چهارشنبه،۱۴ اسد) نشر قیلگن بیاناتیده، بېش ولایتده ینه۱ مینگ۱۶۳ نفر قَیتگن مهاجر عایلهگه یېر اوچستکهلری تقسیملنگنینی بیلدیردی.
وزیرلیک معلوماتیگه کۉره، ننگرهار ولایتیده ۶۹۳ عایله، پکتیکاده۱۰۸ عایله، نیمروزده ۱۱۲عایله، فاریابده۱۵۰ عایله و باميانده 100 عایلهگه تورر جای قوریش اوچون یېر اجرهتیلگن.
وزیرلیک، شونینگدېک، قَیتگن مهاجرلرگه یېر تقسیملش جریانی دوام اېتهیاتگنینی قۉشیمچه قیلدی.
سۉنگّی اوچ ییل ایچیده ایران و پاکستاندن۶ میلیوندن آرتیق مهاجر افغانستانگه قَیتریلگن. بو جریان هنوز دوام اېتماقده.
باشپناه و اوی-جای یېتیشمسلیگی همده ایشسیزلیک قَیتگن مهاجرلر دوچ کېلهیاتگن اېنگ جدّي معمالر قطاریده قالماقده.
