بیرلشگن ملتلر تشکیلاتینینگ انسانپرورلیک مسألهلرنی موافقلشتیریش ادارهسی (اوچا) نینگ معلوم قیلیشیچه، جاري ییلده افغانستان اوچون مۉلجللنگن انسانپرورلیک احتیاجلر و جواب رېجهسی بودجهی نینگ اتیگی۲۶ فایزی مالیهلشتیریلگن.
اوچا بوگون (چهارشنبه،۱۴ اسد) ایکس اجتماعي ترماغیده نشر قیلگن خبرده، شونگه قرهمهی، انسان پرورلیک همکارلر یاردم کۉرسهتیشده دوام اېتهیاتگنی، مالي منبعلر قیسقرگن بۉلسه-ده، اېنگ ضعیف قتلملرگه یېتیب باریش و اساسي خدمتلرنی سقلب قالیش اوچون برچه امکانیتلرنی ایشگه سالهیاتگنینی بیلدیردی.
اوچا جاري ییل افغانستاندهگی احتیاجمندلرگه یاردم کۉرسهتیش اوچون۱.۷میلیارد امریکا دالری سۉرهگن اېدی. بیراق ییل باشلنگنیدن سکّیز آیدن آرتیق وقت اۉتگنیگه قرهمهی، تشکیلات 1،3 میلیارد دالرلیک مالیوي تقچیللیک موجودلیگینی معلوم قیلدی.
ساغلیقنی سقلش ساحهسیده فعالیت یوریتووچی انسانپرورلیک تشکیلاتی شوندهی دېدی: «مبلغ یېتیشمسلیگی سلامتلیک خدمتلرینی دوام اېتتیریش امکانیتیمیزگه جدّي تأثیر کۉرسهتماقده.»
تشکیلات نینگ قۉشیمچه قیلیشیچه، مالي منبعلرنینگ قیسقریشی ضرور دارو-درمانلر، طبي جهازلر و خبردارلیک تدبیرلریگه کیریشنی چېکلب، چېکّه و کم تأمینلنگن حدودلردهگی عیاللر همده قیزلرگه خدمت کۉرسهتیشنی ینهده قیینلشتیرگن. شونگه قرهمهی، اولر مملکتده قالیش و خدمتلرنی دوام اېتتیریش مجبوريتیگه صادق اېکنینی تأکیدلهدی.
افغانستانده فعالیت یوریتهیاتگن ینه بیر تشکیلات -ایاواسدی (۱اسد) هم شوندهی بیانات بېردی: اهالی نینگ تورموش شرایطینی قۉللب-قوّتلش، عیاللرنی اقتصادي جهتدن کوچهیتیریش، آزیق-طعام خوفسیزلیگی، اقلیم اۉزگریشیگه ماسلشوو، تعلیم و جماعهلرنی تیکلشگه قرهتیلگن کۉپلب مهم دستورلر انسان پرورلیک مبلغلرنینگ کېسکین کمهییشی سبب تۉختهب قالگن. شونگه قرهمهی، بیز خدمت قیلهیاتگن آدملر بیلن بیرگه قالیشگه و منبعلر موجود بۉلیشی بیلن یاردمنی دوام اېتتیریشگه صادقمیز.»
ینه بیر انسان پرور تشکیلات اطراف-محیط و طبيعي منبعلرنی باشقریش انستیتوتی ایانآراماو اېسه قوییدهگیچه بیانات بېردی:
«مبلغ یېتیشمسلیگی فقط مالي معما اېمس. بو بیز خدمت کۉرسهتهیاتگن جماعهلر نینگ حیاتیگه بېواسطه تأثیر قیلهدی. منبعلر چېکلنگن بۉلسه-ده، بیز قالیش و خدمت قیلیش مجبوريتیمیزگه صادقمیز، چونکه جماعهلریمیز حلی هم قۉللب-قوّتلش، امید و همکارلیککه محتاج.»
اوچا معلوماتلریگه کۉره، جاري ییلده۲۱.۹میلیون کیشی گومانیتار یاردمگه محتاج. اما انسان پرور تشکیلاتلر موجود منبعلرنی انابتگه آلیب،۱۷.۴میلیون کیشیگه یاردم کۉرسهتیشنی اوستوار وظیفه صفتیده بېلگیلهگن.
شونگه قرهمهی، انسان پرورلیک تشکیلاتلر مبلغ یېتیشمسلیگی سبب کۉپلب احتیاجمندلرگه یاردم بېره آلمهیاتگنینی تأکیدلهماقده. جملهدن، جهان آزیق-طعام دستوری معلوم قیلیشیچه، جاري ییلده اولر اۉتکیر تۉییب طعاملنمسلیکدن اذیت چېکهیاتگن هر یېتّی نفر عیال و بالهدن اتیگی بیرتهسینی آزیقلنتیریش اوچون یېترلی مبلغگه اېگه بۉلگن
