سرپل و جوزجان ولایتلریده ینگی فعالیتگه باشلهگن قوراللی جبههلردن «افغانستان خلقی مستقللیک جبههسی» اۉتگن کېچه سرپلده، طالبان ایکّی اعضاسینی اۉلدیرگنینی ادعا قیلهدی.
اوشبو جبهه اۉزبېک تیوی گه ایتیشیچه، اولر بو هجومنی اۉتگن کېچه ساعت ۹ اطرافیده سرپلنینگ اونگوت حدودیده عملگه آشیرگن.
هجومده طالباننینگ موترسایکل مینیب کېتهیاتگن ایکّی اعضاسی نشانگه آلیب، ایکّیسی هم اۉلدیریلگنی ادعا قیلینگن.
مذکور جبهه شونینگدېک اۉزبېک تیوی بیلن شریک قیلگن معلوماتیده اۉتگن هفته سرپلنینگ گنج بازار حدودیده طالبان استخبارات اعضالری هم اولر تامانیدن نشانگه توتیلگنینی ادعا قیلگن.
منبعلر اۉزبېک تیوی ده اوشبو هجوم عاقبتیده طالباننینگ بیر اعضاسی جان بېرگنی و ینه اوچ اعضاسی یرهلنگنینی تصدیقلهگن اېدی.
شو بیلن بیرگه، افغانستان خلقی مستقللیک جبههسی بو جبهه اساسا سابق حکومتنینگ اۉزبېک حربیلریدن شکللنگن بۉلیب، فعالیتلرینی سرپل و جوزجان ولایتلریده باشلهگنینی بیلدیردی.
بو شوندی بیرحالده دیر که اخیرگی وقتلرده، طالبانگه قرشی حربی حرکتلر کوچهیگن.
