محلي منبعلرگه اساسلنیب نشر اېتیلگن خبرلر معلوم قیلیشیچه، ننگرهار ولایتی مرکزی جلال آباد شهریده ۱۲ یاشلی قیزنینگ جسدی تاپیلگن.
اوشبو منبعلر، قیزنینگ جسدی بوگون (پنجشنبه، ۱۵-اسد) اېرتهلب جلال آباد شهرینینگ اوچینچی ناحیهسیگه قرهشلی بابريان حدودیده انیقلنگنینی معلوم قیلگن.
قید اېتیلیشیچه، اۉلدیریلگن قیز نینگ شخصی حاضرچه انیقلنمهگن. محلي اهالی اونینگ جسدینی طالبلر نینگ محلي مسووللریگه تاپشیرگن.
حاضرچه قیزنینگ اۉلیمی سببلری نامعلوم. بیراق منبعلرنینگ ایتیشیچه، اونینگ تنهسیده زۉرآورلیک علامتلری کوزهتیلگن و دستلبکی دلیللر او بۉغیب اۉلدیریلگن بۉلیشی ممکنلیگینی کۉرستماقده.
طالبلرنینگ ننگرهاردهگی رسميلری حاضرچه اوشبو حادثه یوزهسیدن هېچ قندهی ایضاح بېرمهگن.
