بو مکتب سانچارک تومنی نینگ «چاروح» قیشیلاغیده ملی بیر سوداگر تامنیدن بو ولایت یشاوچیلری اوچون قۉریلگن.
سرپل ده طالبان محلی مسئوللری، اوشبو ولایت سانچارک تومنیده قیزلر اوچون بیر مکتب قوریلیب و فایده‌لنیش گه تاپشیریلگنیدن خبر بیریب و ایتیشلریچه، مذکور مکتب ۱۰۰ مینگ دالر خره‌جت کوتارگن.
سرپل ده طالبان معارف ریاستی باشلیغی محمد رحمانی، اوشبو مکتب سانچارک تومنی نینگ «چاروح» قیشلاغیده، بیر سوداگر نینگ شخصی پولی بیلن قۉریلگنی نی بیلدیرگن.
طالبان معارف رئیسی گه کوره، اوشبو مکتب ۹ درسی صنف بیلن، ۱۲۰۰مترمربع ییرده اساسی شکلده قۉریلگن.
سرپل یشاوچیلری و قوم بویوک‌لریدن قطاری، قیزلر گه مکتب قۉریلیشی خصوصیده اوشبو سوداگر نینگ اقدامیدن خرسند‌لیک قیلیب و ملی سوداگرلر و باشقه کیشی‌لردن، مذکور ولایت مرکزی و تومن‌لریده مکتب‌لر قوریلیشی خصوصیده اقدام قیلیشلری نی ایسته‌‌گن.
