طالبان ایچکی ایشلر وزیرلیگی نینگ ایتیشیچه، افغانستان بۉییچه بیرلشگن ملتلر تشکیلاتی باش کاتبی نینگ خاص نماینده‌سی روزا اوتونبایوا، افغانستانلیک مهاجرلرنینگ قۉشنی اۉلکه‌لردن چیقاریلیشی اوشبو مهاجرلرنینگ کۉپینچه قیینچلیکلر بیلن یوزمه‌یوز قیلگن دېدی.
مذکور وزیرلیک بوکون ایکس اجتماعی ترماغیده یازگن که، خانم روزا اوتونبایوا طالبان ایچکی ایشلر وزیرلیگی سرپرستی سراج‌الدین حقانی بیلن اۉتکزگن اوچره‌شوویده بونده‌ی بیانات بیرگن.
مذکور وزیرلیککه کۉره، خانم اوتونبایو مذکور مهاجرلرنینگ اۉلکه‌لریگه قیتیشی دنیا جماعه‌چیلیگی تامانیدن دقتلی بیر شکلده تیکشیریلیشی نی اَیتگن.
شونینگدېک مذکور اوچره‌شووده، طالبان ایچکی ایشلر وزیرلیگی نینگ سرپرستی افغانستانلیک مهاجرلر پاکستان‌دن جبری چیقاریلگنی اوستیده تۉخته‌لیب، بو گروه «قۉشنیلری بیلن لازم چاره‌لر و صداقت بیلن» یانده‌شگن دیر و مملکتلرنینگ ایچکی مساله‌لری او مملکتلرده‌گی قاچقینلرگه قیینچیلیک یره‌تمسلیگی لازم دېب ایتگن.
خبرنامه نینگ اوتونبایواگه اقتباس قیلیب یازیشیچه، یوناما طالبلرنینگ مخدر ماده‌گه قرشی کوره‌شی همده جبری چیقاریلگن مهاجرلرنی باشقریشی خصوصیده‌گی تلاشلرینی آلقشله‌یدی.
بو قبیل اظهاراتلر طالبلر سۉنگی ایکّی ییل ایچیده مملکت یشاوچیلر، سیاسی مخالفلر و دنیا جماعه‌چیلیگی نینگ کېنک قمراولی دولت تشکیل اېتیشی و انسان حقوقلری قدریتلرنی رعایت قیلیش تۉغریسیده‌گی ایستکلریگه، منفی جواب بېریب کېلگن بیر چاقده ایتیلماقده.
بو گروه، اۉز رژیمنی همه‌شمول دېب طالبلرنینگ قدریتلری بۉییچه قیسقه کېلمسلیکنی تاکیدلب کېلگن.
شونینگدېک طالبلر افغانستان‌ده ترورچی گروهلرگه قرشی کوره‌ش خوصیده امریکا بیلن امضاله‌گن کېلیشووگه هم عمل قیلمه‌گن.
اېنگ ینگی موردده، امریکا قۉشمه ایالتلری «القاعده، داعش و منطقه‌ی قۉرقینچ تشلاوچی عنصرلر» هنوز هم افغانستان‌ده فعال قالگنلر دېب معلوم قیلدی.
