بیرلشگن ملتلر تشکیلاتی باش‌کاتبی آنتونیو گوترش، بوگون (۱۶-میزان، دوشنبه)، پاکستان گه باره‌دی.
گوترش اوشبو اوچ کون‌لیک سفری‌ده پاکستان رسمی‌لری بیلن اۉچره‌شیب و بو مملکت‌نینگ دولتی نهادلریدن قطاری و شونینگدېک بیرلشگن ملتلر تشکیلاتی نماینده‌لیکلریدن کوریب چیقیشی ممکن.
بیرلشگن ملتلر تشکیلاتی باش‌کاتبی بو سفر جریانیده پاکستان‌نینگ امریکا و ایران اۉرته‌سیده‌گی دیپلماتیک و واسطه‌چیلیک حرکتلری همده ایکی دولت آره‌سیده‌گی مذاکره‌لرنی قۉللب-قوتلش بویېچه اسلام‌آباد رولی حقیده هم مذاکره آلیب باریلیشی کوتیله‌دی.
ایتیش کېره‌ک که، گوترش سۉنگی مرته ۲۰۲۲-ییلی‌ده پاکستان گه باریب و کوچلی سوو تاشقینلردن ضرر کورگن حدودلرنی کوزدن کیچیرگن.
او بو مرته، ینه هم پاکستان ملی طبیعی آفتلرنی باشقریش اداره‌سیگه باریب و سوو تاشقینلردن کیېن بو مملکت‌نینگ طبیعی آفتلرگه تیارگرلیگی همده اولرگه قرشی چیدم‌لیگی‌نی کوچه‌یتیریش توغریسیده ایریشگن یوتوقلرینی باریب کوریشی ممکن.
