تخارلیک اۉقیتووچی و شاعر مژده اۉزبېک تقدیرسیز و ناانیق بیر وضعیتده طالبان قماقخانه‌سیده سقلنیب کېلر اېکن «افغانستان تورک عیاللری حرکتی» بیر بیانات ترقه‌تیب، بو خصوصده اۉز مناسبتینی بیلدیردی.
افغانستان تورک عیاللری حرکتی «شعر جنایت اېمس؛ قلم جنایت اېمس؛ اۉزبېک بۉلیش جنایت اېمس» دېب، مژده اۉزبېک تېزلیک بیلن آزاد اېتیلیشینی سۉره‌گن.
اوشبو بیاناتده، شونینگدېک مژده اۉزبېک مساله‌سی قومی یانده‌شوولرگه هم دوچ کېلگنی ایتیلیب، بو خصوصده انسان حقلری تشکیلاتلری یانده‌شوویدن تنقید قیلینگن.
افغانستان تورک عیاللری حرکتی، مژده اۉزبېک تقدیریگه نسبتن جېم‌لیک قبول قیلینمه‌یدیگن وضعیت اېکنینی بیلدیریب، بو خصوصده سېس چیقریلیشینی اورغوله‌گن.
شونینگدېک، اوشبو تشکیکلات خلق‌ارا تشکیلاتلر و انسان حقلری فعاللریدن بو خصوصده اعتبار قره‌تیب، مژده اۉزبېک آزاد اېتیلیشی اوچون چاره کۉریشلرینی هم سۉره‌گن.
ایتیش کېره‌ک که مژده اۉزبېک ایکّی هفته‌دن کۉپ وقت بۉله‌دی که طالبان تامانیدن حبسگه آلینگن و طالبان حاضرگچه بو عیال تقدیری حقیده هیچ قنده‌ی ایضاح بېرگن اېمس.
