روسیه‌نینگ بوگون اوکراین گه قرشی اۉیوشتیرگن ینگی هجوملریده، کمیده سکیز کیشی اۉلیب و یشش بنالر، آست‌قورمه‌لر و صناعتی انشاآتلرگه زیان یېتیشگن.
اوکراین رسمی‌لری‌گه کۉره، اوشبو هجوملر نتیجه‌سیده کی‌یف‌ده ایکّی کیشی، پریلوکی شهریده تورت کیشی و پولتاوا منطقه‌سیده باشقه ایکّی کیشی اۉلگن.
رویترز آژانسی کی‌یف بلدیه‌سی ویتالی کلیچکو‌دن نقل قیلیب گزارش بیریشیچه، روسیه‌نینگ هوا هجوملریدن کیېن مذکور حدودده جایلشگن گاراژدن ایکّی کیشی‌نینگ جسدی تاپیلگن. ایتیلیشچه، بو شهردن نیچه پارتلش سیسی هم ایشیتیلگن.
بشر حقلری ایشلری بویېچه اوکراین پارلمان کمیساری دیمیترو لوبینتس‌نینگ ایتیشیچه: «اوکراین ینه بیرمرته کیچه بویلب روسیه‌نینگ راکته هجوملری بیلن نشان‌گه آلیندی.»
شونینگدېک محلی رسمی‌لرنینگ اعلام قیلیشیچه، اوکراین جنوب‌شرقی‌ده جایلشگن دنپرو شهری‌گه روسیه‌نینگ اۉیوشتیرگن اَیری هوا هجوملریده صناعتی بیر مرکز، زاپوریژیا ده ترانسپورت آست‌قورمه‌لری و کرمنچوک ده اېسه یشش بنالرگه زیان یېتیشگن.
ایتیش کېره‌ک که، مذکور هجوملر عاقبتیده اهالی‌گه کوپینچه زیان یېتیشیب، اۉلگنلر سانی‌نینگ کوپه‌یشی ممکن.
