کابل ده امام ابوحنیفه بېشینچی دور کۉرگزمه‌سی، قریب ۳۲۰ ایچکی و تشقی کمپنیه همده ۵۵۰ دن آرتیق چیت‌ایل‌لیک مهمان حضوری بیلن بوگون (۱۵-میزان، چهارشنبه)، آچیلگن.
مذکور کۉرگزمه‌ده، توپلم ۷۰۰ دن آرتیق غرفه افغانستان محصوللری نمایش‌گه قویېلیشی همده مملکت‌نینگ سودا و اقتصادی امکانیتلری تانیشتیریلیشی اوچون اجره‌تیلگن.
طالبان باش وزیری‌نینگ اقتصادی اۉرین باسری عبدالغنی برادر، اوشبو کۉرگزمه‌نینگ آچیلیش مراسمی‌ده تورلی مملکتلر بیلن افغانستان‌نینگ سودا علاقه‌لری کوچه‌یشی‌گه تاکید‌لب و ایتیشیچه، سودا رواجلنیشی مقصد سعی‌وحرکت دوام قیلماقده.
امام ابوحنیفه کۉرگزمه‌سی محصوللر تانیشتیریلیشی، سودا مناسبتلری یره‌تیلیشی همده ایچکی و تشقی سوداگرلر و سرمایه یاتقیزووچیلر آره‌سیده علاقه‌لر کینگه‌یشی مقصد آچیلگن.
