طالبان سۉزلاوچیسی ذبیح‌الله مجاهد بوگون اېرته‌لب اکس صحیفه‌سیده، کنر و هلمند ولایتلری‌نینگ ینه بیربار پاکستان آرقه‌لی بمباردمان بولگنی‌نی معلوم قیلگن.
اونینگ ایتیشیچه، یشش اویلر نشان‌گه آلینگن مذکور هجوملرده ۹ کیشی جان بېریب و باشقه ۱۱ کیشی یره‌لنگن.
شونده‌ی بیرحالده، طالبان نظارتی آستیده بۉلگن باختر یېتکرمه‌سی‌نینگ خبر بېریشیچه، پاکستان کوچلری آرقه‌لی کنر و هلمند ولایتلریگه هجوم اۉیوشتیریلیب و بیر قطار کیشی جان بیرگن.
خبرگه کۉره، پاکستان کوچلری بوگون اېرته‌لب (۹-میزان، پنج‌شنبه)، ساعت ۰۳:۰۰ اطرافیده کنر ولایتی شلتن تومنی‌نینگ دره‌ی چوگام حدودی‌ده جایلشگن یشش بیر اوی‌نی بمباردمان قیلگن.
مذکور هجوم نتیجه‌سیده، بیش کیشی اۉلیب، باله‌لر و عیاللر شامل باشقه اوچ کیشی یره‌لنگن.
شونینگدېک، هلمند ولایتی گرمسیر تومنی‌گه پاکستان کوچلری‌نینگ اۉیوشتیرگن هجومی‌ده، تورت کیشی اۉلیب و سکیز کیشی یره‌لنگن.
ذبیح‌الله مجاهد، اوشبو هجوملرنی قاره‌لب و برچه قبول قیلینگن قاعده-قانون گه قرشی دېگن.
ایتیش کېره‌ک که، سۉنگی کونلرده پاکستان و طالبان آره‌سیده ینه هجوملر اۉیوشتیریلیشی کوپه‌یب و طالبان گروهی، پاکستان هجوملریدن کۉپینچه‌سی نتیجه‌سیده عادی اهالی قربان بۉلگنینی ادعا قیلیب کېلماقده.
