دبیدن تلآویو گه اوچه یاتگن فلایدبی کمپنیهسینینگ اوچاغی، فوقالعاده وضعیت اعلام قیلینگنیدن سۉنگ، سعودی عربستاننینگ تبوک هوا قۉنالغهسیگه توشگن.
«تایمز آف اسرائیل» گزارشیگه اساس، بو اوچاق «ناقانونی ارهلشوو» حقیده شاشلینچ پیغام بیلن فوقالعاده عمومی سیگنال یوبارگن. اوشبو وضعیت باشده اوچاقنینگ اۉغیرلنگنی ممکنلیگی تۉغریسیده خواطرلرنی کوچهیتیرگن.
شوندهی بیرحالده، اسرائیلنینگ خوفسیزلیک منبعلری اوچاق اۉغیرلنگنی حقیدهگی تخمیننی رد قېلیب و بو حادثه احتمال بیلن ایکّی پیلوت اۉرتهسیده ماجرا سبب یوز بېرگنینی اَیتگن.
شونینگدېک اسرائیل اردوسینینگ اعلام قېلیشیچه، حربی ستاد باشلیغی ایال زمیر بو واقعه تۉغریسیده حربی کوچلرنینگ بیر قطار یوقاری مرتبهلی قوماندانلری جملهدن هوا کوچلری قوماندانی همده عملیات و معلومات ادارهلری رهبرلری بیلن ییغین اۉتکزگن.
حاضرگچه بو واقعه توغریسیده کۉپینچه معلومات ترقهتیلمهگن.
