عربی یتکیرمهلری مصر رسمیلریگه تیهنیب گزارش بېریشیچه، مصر نینگ قیزیل دېنگیز ساحلیده بیر اتوبوس تصادم قیلیشی عاقبتیده چمهسی ۱۶ کیشی جان بېرگن.
مصر ساغلیقنی سقلش وزیرلیگی نینگ اعلام قیلیشیچه، بو واقعه بوگون (چهارشنبه، ۱۱ سنبله) اېرتهلب تانگ چاغی جنوبی سینا ولایتیده دهب و نویبعه شهرلری اۉرتهسیدهگی منطقه ده یوزبېرگن و ۲۸ کیشی هم یرهلنگن.
مصر یېتکیرمهلری نینگ گزارش بېریشیچه، جان بېرگنلر قطاریده اردن شهری یشاوچیلریدن بیر قطاری هم شامل دیر.
مصر ساغلیقنی سقلش وزیرلیگی نینگ ایتیشیچه، چمهسی ۲۰ امبولانس یاردم یېتکزیش مقصدیده واقعه محلهسیگه یېتیب بارگن و یرهلنگن کیشیلر کسلخانه لرگه آلیب باریلگن.
اوشبو واقعه قندی یوزبېرگنی خصوصیده حاضرگچه هېچ قندی گزارش ترقه تیلمهگن. بو منطقه مصر نینگ دم آلیش مکانلریدن بیری بۉلیب، دنیا بۉیلب سیاحتچیلر دم آلیش مقصدیده بو یېرگه کېلیشه دیلر.
مصرده ترافیک واقعهلری کۉپ سانده یوزبېرماقده، رسمیلرنینگ ایتیشیچه، ۲۰۲۵- ییلده چمهسی ۶ مینگ کیشی ترافیک واقعهلری طفیلی جان بېرگنلر.
