تورکیه مدنیت و توریزیم وزیری محمد نوری ارسوی معلوم قیلیشیچه، 66 میلیون ییل ایلگری تتیس دېنگیزی قیرغاقلریده یشهگن دېنگیز چیغناغیگه تېگیشلی فسیل تورکیه باشکینتی انقرهدهگی ارکیالوگیک اېسدهلیکلردن تاپیلگن. بو حقده انادولو آژانسی خبر بېردی.
بو فسللر انقره نینگ گولباشی تومنیدهگی اویاجا، محلهسیده یېرلشگن کولهویوک ارکیالوگیگ اېسدهلیگیده آلیب باریلگن قازیشمهلر وقتیده تاپیلگن. تورکیه مدنیت و توریزیم وزیری ارسوی نینگ ایتیشیچه ،فسیل 66 میلیون ییل ایلگری تتیس دېنگیزی قیرغاغلریده یشهگن قارین ایاغلی گستراپوداگه تېگیشلی.
تدقیقاتچیلر اوشبو نمونه تتیس دېنگیزی نینگ سۉنگّی دورلریدن بیریگه عاید دېب حسابلهماقده. تتیس دېنگیزی چمهسی 250 ییل ایلگری شکللنه باشلهگن بو قدیمدهگی سوو حوزهسی بۉلیب، بیر وقتلر حاضرگی مرکزی انادولو نینگ ایریم حدودلرینی قاپلهگن.
کولهویوک چمهسی 5000 ییللیک منزلگاه بۉلیب، هاتی و هیت مدنیتلری بیلن باغلیق. قازیلمه بیلن منزلگاه اۉرتهسیدهگی اولکن یاش فرقی سببلی، بو جانذات کولهویوک اهالیسی بیلن بیر دورده یشهمهگن.
تدقیقچیلر اېندی، قدیمگی اهالی فسیلنی باشقه یېردن تاپیب، اونی اتهیلب کولهویوککه آلیب کېلگن بۉلیشی ممکنلیگینی اۉرگنماقده. بو چمهسی فسل نینگ منزلگاهگه قندهی یېتیب کېلگنی و قدیمگی اهالی اوچون قندهی اهمیتگه اېگه بۉلگنینی انیقلش بۉییچه ینگی تدقیقات یۉنهلیشینی آچدی.
کولهویوکدهگی قازیشمهلر 2021-ییلدن بېری اوزاق مدتلی ارکیالوگیگ دستور دایرهسیده دوام اېتماقده. ینگی تاپیلمه یقینده شو یېردهگی 4000 ییللیک هیت ایدیشیدن انقره گه خاص «سېوگی گلی» نینگ حاضرگچه معلوم بۉلگن اېنگ قدیمگی اوروغ قالدیقلری تاپیلگنیدن کېینگی مهم کشفیاتلردن بیری دیر.
