ایراندهگی فاریابلیک مهاجرلردن بۉلگن منبعنینگ اۉزبېک تیوی گه یوبارگن معلوماتی اساسیده، اخیرگی کونلرده بو مملکتنینگ سراوان حدودیده یوز بېرگن ترافیک حادثهسی قربانلری فاریابلیک عایلهلر بۉلگن.
بوحقده اۉزبېک تیوی بیلن شریک اېتیلگن معلومات اساسیده، فاریاب ولایتی چهلگزی اولسواللیگیدن بۉلگن اوچ عایله ایران یۉلیده ایکّی کېچه آلدین ترافیک حادثه قیلهدیلر که اولر جملهسیدن آلتی کیشی جان بېریب و قالگن ۱۲ کیشی هم یرهلنهدی.
منبعنینگ اۉزبېک تیوی گه ایتیشیچه، واقعهده یرهلنگنلر آغیر احوالده سراوان شفاخانهسیده یاتقیزیلگن و حاضرگچه اولر بیلن هیچ قندهی یاردم بۉلینمهگن.
ایتیلیشیچه، واقعهده ایکّی ایرکک تۉرتته قیز و اۉغیل باله فرزندلری بیلن بیرگه وفات اېتهدی.
ایتیش کېرهک که بوندن بیر نیچه کون آلدین سراوان حدودیده افغانستانلیک مهاجرلر موتری حادثهگه دوچ کېلگنی حقیده خبر بېریلگن اېدی.
