امریکا قوشمه ایالتلرینینگ جمهور باشلیغی دونالد ترمپ، دیوید کمپیدهگی قرارگاهینی، مدتدن بیر کون آلدین ترک اېتگنی کۉپلب بحثلرگه سبب بۉلماقده.
حاضرگچه، آقاوی بو تۉغریده هیچ قندی ایضاح بېرمهگن بۉلسهده بیراق، ترمپنینگ بو قراریگه یقین شرق احوالی اینیقسه ایران بیلن بۉلگن اوروش سبب دېب کۉرسهتیلماقده.
ترمپ اوشبو سفرینی مدتیدن آلدین شوندی بیرحالده یکونلنتیریب، واشنگتنگه قیتماقده که یقینده ایران، قطر واسطهچیلیگیده بیرقنچه تکلیفلرنی امریکاگه تاپشیرگنی حقیده خبر بېریلدی.
بوحقده نشر اېتیلگن خبرلرگه کۉره، ایران بو تکلیفلر رد اېتیلگن تقدیرده اوروش قیته باشلنیشی ممکنلیگینی هم آگاهلنتیرگن.
شوندی بیر وضعیتده، امریکا قوشمه ایالتلری تشقی ایشلر وزیرلیگی هم بیانات چیقریب، بو مملکت وطنداشلریدن یقین شرق حدودیگه سفر قیلیش و یقینلشیشدن جدّی وازکېچیشلرینی سۉرهگن.
بو اېسه، وضعیتلر یامانلشیب بارهیاتگنی حقیده هم ایریم فکرلر و خواطرلرنی تۉغدیرگن.
