طالبان ایچکی ایشلر وزیرلیگی نینگ ایتیشیچه، فاریاب، قندوز، غزنی و هرات ولایتلریده ایریم جنایتلرده قۉلی بۉلگنلیککه عیبلنگن ۲۹ کیشی امنیتی کوچلر آرقهلی یۉلگه قۉییلگن عملیاتلر آقیمیده قۉلگه آلینگن.
اوشبو وزارت نینگ تاکیدلشیچه، فاریاب ولایتی ایکّینچی حوزهسیگه تېگیشلی منطقهده یۉلگه قۉییلگن عملیاتلرده اوغیرچیلیککه قۉلی بۉلگن آلتی کیشیلیک گروهی و بیرینچی حوزه دن اېسه بیر کیشی حبسگه آلینگن.
شونینگدېک، قمار اۉینشگه عیبلنگن ۱۴ کیشی قندوز ولایتی ایکّینچی و تۉرتینچی حوزهلریگه تېگیشلی منطقهدن اوشلنگن.
ایچکی ایشلر وزیرلیگی نینگ تاکیدلشیچه، غزنی ولایتیده یۉلگه قۉییلگن عملیاتلرده قوراللی اۉغیرچیلیککه عیبلنگن ایکّی عیال و اوچ اېرکک شامل بېش کیشی اوشلنگن.
دېمک سۉنگی پیتلرده مملکت کۉپلب ولایتلریده جنایی جرملر، قوراللی اۉغیرچیلیک و باشقه ایریم حنایتلر میزانی آشگن، یشاوچیلر بوخصوصده طالبان رسمیلرینی توجه سیزلیککه عیبله ماقدهلر.
