تیکتاک اجتماعی ترماغی، امریکانینگ آلاباما ایالتیده بالهلرنی اوشبو دستوردن فایدهلنیشینی چیکلشگه قرهتیلگن ینگی چاره-تدبیرنینگ جاری اېتیش و ۱۰۰ میلیون دالر بیریش بۉییچه کېلیشووگه اېریشگن.
اوشبو کېلیشوو اساسیده، تیکتاک شکایت قېلگن تامانگه ۱۰۰ میلیون دالر بیریشی همده مذکور اجتماعی ترماقدن بالهلرنینگ فایدهلنیشینی چیکلش اوچون بیر قطار تدبیرلرنی عملگه آشیریشی ممکن.
ایتیلیشچه، آلاباماده بالهلرنینگ تیکتاکدن فایدهلنیشی کونیگه ایکی ساعت بۉلیب و اولرنینگ کېچه تامان و مکتب وقتلریده بو دستورگه کېریشی هم چیکلنهدی.
شونینگدېک تیکتاک، آته-آنهلرگه بالهلرینینگ مذکور دستوردن قندهی فایدهلنیشینی ینهده کینگراق نظارت قیله آلیش امکانیتلرنینگ یرهتهدی.
اوشبو کمپنیه ۴۵ کون ایچیده ۱۰۰ میلیون دالرنینگ تاپشیریشی کېرهک؛ عکسینچه حالده، تیکتاک آلاباما ایالتیگه ینه ۳۰۰ میلیون دالرگچه تولهشی ممکن.
