بیرلشگن ملتلر تشکیلاتینینگ ترقیات دستوریگه کۉره، تدبیرکار عیاللرنینگ مالی منبعلرگه قۉل تاپیشی و اولرنینگ کسب-کارلری رواجلنیشی مقصد بیر دستورنی یۉلگه قویگن.
مذکور تشکیلاتنینگ عیاللر بۉلیمی یاردمی بیلن یۉلگه قویېلگن اوشبو دستور اوچون بیر میلیون ۷۰۰ مینگ دالر سرمایه اجرهتیلگن.
ایتیلیشچه، بو دستور دایرهسیده تدبیرکار عیاللرگه مالی سوادخوانلیک، کیچیک تجارتلرنی ریجهلشتیریش و بازارگه قۉل تاپیش بۉلیملریده تعلیم بېریلهدی.
بیرلشگن ملتلر تشکیلاتی ترقیات دستورینینگ ایتیشیچه، مذکور دستور عملگه آشیریلیشی بیلن کیلهسی بیر ییلده بیر مینگ ۵۰۰ تدبیرکار عیالنینگ قۉللب-قۉتلنیشی کوتیلهدی.
اوشبو نهاد، مذکور دستورنی کینگهیتیریش اوچون ینهده ۱۰ میلیون دالرنی جلب قیلیش و باشقه ۱۰ مینگ عیالنینگ مالی منبعلرگه قۉل تاپیشی اوچون یاردم بېریش توغریسیده سعیوحرکت قیلهیاتگنینی اورغولهگن.
