کاتولیکلر دنیاسینینگ رهبری پاپ لئو، صنعی هوش دنیانی «یۉق قیلیشی» ممکنلیگی حقیدهگی خواطرلر ساخته خبرلر ایمسلیگی و اولرنی جدی آلیش کېرهکلیگیگه اورغولهگن.
پاپ لئو، اۉتگن کونی فرانسه گه قیلگن تۉرت کونلیک سفریدن روم گه قیتیشی چاغیده اۉتکزیلگن خبری بیر ییغینده ایتیشیچه: «مین بیر قطار صنعی هوش متخصصلری تامانیدن بیلدیریلگن خواطرلرنی، جدی آلیش کېرهک دېب ایشانهمن. مینیمچه نیچه کیشی اَیتگنی کبی بولر ساخته خبرلر اېمس.»
امریکالیک بو پاپ ۱۶ آیلیک فعالیتی دوامیده صنعی هوشنینگ خوفلری حقیده بیر نیچه مرته آگاهلنتیرگن.
شونینگدېک او، مذکور خبری ییغینده بو تکنالوژیگه نسبت هیچ قندهی ترتیبگه سالووچی معیارلر یا-ده چیکلاولر جاری اېتیلمسلیگی کېرهک دېب حسابلهیدیگن تکنالوژی کمپنیهلری باش مدیریلریدن تۉغری تنقید قیلگن.
ایتیش کېرهک که، اوشبو بیانات امریکا جمهور باشلیغی دونالد ترامپ، صنعی هوشنینگ بشریت اوچون خوفلری حقیدهگی خواطرلرنی «اساسسیز» دیگن بیرحالده، کاتولیکلر دنیاسینینگ رهبری بو سوزلرنی بیان قیلگن.
