افغانستان متحد جبهه کوچلری، قندهار ولایتی ارغستان تومنی حدودلریده جایلشگن «نرغل» منطقه‌سیده، طالبان ایکّی اعضاسی اۉلدیریلگنی‌نی ادعا قیلگن.
اوشبو جبهه، اۉتگن کیچه کیچ قورون ایکس صحیفه‌سیده یازیشیچه، بو منطقه‌ده طالبان گه قرشی هجوم اۉیوشتیریب و نتیجه‌ده، مذکور ایکّی طالب‌نی اۉلدیرگنلر.
افغانستان متحد جبهه‌سی، اوشبو طالبان اعضالریدن بیری «شبکه طلحه» اسمی‌گه تانیلیب، بو گروه‌‌نینگ اینگ تانیقلی کیشیلریدن بیری بۉلگنی‌نی بیان قیلگن.
متحد جبهه‌سی‌نینگ یازیشیچه، معلوماتلر اساسیده اوشبو طالب چیگره خادملریگه قرشی عملیاتلرگه قتنه‌شیب و بیر قطار چیگره عسکرلری‌نینگ اۉلدیریش‌ده حصه قۉشگن.
افغانستان متحد جبهه‌سی‌نینگ کوپه‌یتیریشیچه، اوشبو ایکّی طالب اۉلدیریلگنی‌دن کیېن بیرته کلاشینکوف هم بو جبهه کوچلری قۉلی‌گه کیلگن.
ایتیش کېره‌ک که، سۉنگی کونلر طالبان اعضالری‌گه قرشی هجوملر کوپه‌یگن؛ بیراق بو گروه مذکور هجوملر و اعضالری اۉلدیریلیشی توغریسیده هیچ بیر نرسه دېمه‌گنلر.
