مستقل دولتلر هم‌دستلیگی‌گه اعضا دولتلر رهبرلری، بوگون (۱۷-میزان، جمعه)، تورکمنستان‌نینگ آوازه منطقه‌سی گه ییغیلگنلر.
تورکمنستان جمهور باشلیغی سردار بردی‌محمداف آرقه‌لی آچیلگن بو ییغین‌گه، اۉزبېکستان، آذربایجان، ارمنستان، بلاروس، قرغیزستان، تاجیکستان، قزاقستان، ایران و روسیه جمهور باشلیقلری قتنه‌شگن.
ایتیلیشچه، ایران جمهور باشلیغی مسعود پزشکیان، بیرینچی مرته مستقل دولتلر هم‌دستلیگی رهبرلری ییغینی‌گه شرکت قیله‌دی.
مذکور ییغین‌‌ده اشتراک اېتگن مملکتلر رهبرلری آرقه‌لی، تشکیلات‌نینگ سۉنگی ۳۵ ییل ایچیده‌گی یوتوقلری و کیله‌جگی حقیده قۉشمه بیانات‌نینگ قبول قیلیشلری کوتیله‌دی.
منطقه‌ای همکارلیکلر، سایبری جنایتلرگه قرشی کوره‌ش، اهالی تیریک‌چیلیگی صفتی‌نی یخشی‌لش، ترانسپورت علاقه‌لرینی کینگه‌یتیریش و مستقل دولتلر هم‌دستلیگی‌‌نینگ اۉرنی‌نی مستحکم‌لش و کیلهجگینی تیکشیریش مذکور ییغین‌نینگ موضوعلری‌دن بۉله‌دی.
