آذربایجان ده مکتب اوقووچیلری اوچون کییم بۉییچه ینگی قاعده‌لر جاری ایتیلگچ، اوقووچیلر، عایله‌لری و یشاوچیلردن قطاری ناراض‌لیک نمایشلرنی اۉتکزگنلر.
بو مملکت‌‌ده ۲۱-سپتمبرده آلینگن قرار اساسیده، مکتبلر اوچون بیلگی‌لنگن یگانه کییم فورمه‌سی‌گه ضد یا-ده «سکولاریزم تمایلی» گه قرشی بۉلگن کییملرنی کییش تقیقلنگن.
یېتکرمه‌لرده ترقه‌تیلگن خبرلرگه کۉره، حجاب‌لی بولیش سبب قیزلردن قطاری‌گه، درسی صنفلرگه کیریشلری اوچون رخصت بیریلمه‌گن.
شونینگدېک آذربایجان ایچکی ایشلر وزیرلیگی، بو قاعده-قانون‌نینگ عمل‌گه آشیریلیشی بیلن باغلیق واقعه‌لردن کیېن، ۳۷ کیشی قۉلگه آلینگنینی معلوم قیلگن.
گزارشلر اساسیده، مذکور کیشیلر دولتی اۉقوو موسسه‌لرگه ضرر یېتکزیش، عمومی ترتیب‌نی قیین‌چیلیک بیلن روپه‌ره قیلیش و نقلیه واسطه‌لرنینگ باریب-کیلیشی‌ده توسیق‌لیک یره‌تیش‌گه عیبلنگنلر.
