نوار غزه‌نینگ تورلی بۉلیملری‌گه اسرائیل آرقه‌لی اۉیوشتیریلگن اینگ ینگی هجوملرده، آلتی کیشی اۉلگن.
خلق‌ارا یېتکرمه‌لر‌نینگ بوگون (۱۸-اکتبر، یکشنبه)، گزارش بیریشیچه، اوشبو هجوملر عاقبتیده بیر قطار کیشی یره‌له‌نیب و غزه مرکزی، شمالی و جنوبی بۉلیملری اسرائیل آرقه‌لی نشان‌گه آلینگن.
شونینگدېک غزه ساغلیق‌نی سقلش وزیرلیگی، اۉتگن ییلی ۱۰-اکتبرده آتیش کیسین برقرار بۉلگنیدن حاضرگچه، اسرائیل هجوملریده فلسطین‌لیک بیر مینگ ۵۱۱ کیشی‌نینگ جان بېرگنینی معلوم قیلگن.
اوشبو وزیرلیک‌نینگ معلوماتی اساسیده، ۲۰۲۳-ییل اکتبر آییده غزه ده اسرائیل اوروشی باشلنگنی‌دن بویان، فلسطین‌لیک ۷۴ مینگ‌دن آرتیق کیشی اۉلیب و ۱۷۵ مینگ‌دن آرتیق کیشی یره‌لنگن.
