طالبان ساغلیق‌نی سقلش وزیری نورجلال جلالی، افغانستان ده روسیه ایلچیخانه‌سی وکیللری و بو مملکتدن بارگن هیات بیلن اوچره‌شگن.
ساغلیق‌نی سقلش وزیرلیگی بوگون (۲۶-میزان، یکشنبه)، اکس صحیفه‌سیده یازیشیچه، مذکور اوچره‌شووده افغانستان و روسیه اۉرته‌سیده ساغلیق‌نی سقلش ساحه‌سیده ایکّی تامانلمه همکارلیک‌نی مستحکم‌لش، اینیقسه افغانستان طبیات خادملری‌نینگ سرطان و یۉره‌ک کسل‌لیکلرینی انیقلش همده دوالش بویېچه ظرفیتینی آشیریش مسئله‌لری محاکمه قیلینگن.
جلالی، اۉتکزیلگن اوشبو اوچره‌شووده ساغلیق‌نی سقلش خذمتلری صفتی یخشیلنیشی اوچون ملکه‌لی و تخصصی کدرلرگه تعلیم بیریلیشی‌نی مهم دېب، بو توغریده ایکّی مملکت اۉرته‌سیده تجربه، تخصصی بیلیم و کونیکلر المشتیریلیشی‌نی سۉره‌گن.
شونینگدېک روسیه هیاتی ساغلیق‌نی سقلش بۉلیمی‌ده قۉشمه همکارلیکلر کوچه‌یشی حقیده اۉز فکرلرینی بیلدیریب و بیان بۉلگن موضوعلر توغریسیده همکارلیک قیلیش‌گه ایشانچ بېرگن.
