آذرتاج خبریگه کۉره، آذربایجان بوگون (۱۸-اکتبر، یکشنبه)، دولت مستقللیگی تیکلنگنی‌نینگ ۳۵-ییللیگینی نشانله‌ماقده. ۱۹۹۱ییلده قبول قیلینگن مستقللیک تۉغریسیده‌گی اساسی قانونی، اولکه تاریخیده ینگی دورنی باشلب بېردی.
مستقللیک‌نینگ ییللری سیاسی انقراض، اقتصادی قیینچلیکلر و ارمنستان بیلن بۉلگن ماجرالر بیلن کېچدی. ۱۹۹۳-ییلده آذربایجان سابق جمهور باشلیغی حیدر علی‌یف‌نینگ حاکمیتگه قیتیشی اولکه‌ده برقرارلیکنی مستحکملشده مهم بوریلیش بۉلدی.
۱۹۹۴-ییلده «عصر شرط نامه‌سی» امضالنیشی خارجی سرمایه یاتقیزیشلرنی جلب قیلیش و انرژیک ساحه‌سینی یوکسلتیریشگه یۉل آچدی. ۱۹۹۵-ییلده اېسه مستقل آذربایجان‌نینگ بیرینچی اساسی قانونی قبول قیلیندی.
۲۰۲۰-ییلده‌گی ۴۴ کونلیک وطن اوروشی نتیجه‌سیده آذربایجان مهم حربی یوتوقلرگه اېریشدی و شوشا شهری آزاد قیلنیدی. ۲۰۲۳- ییلده اېسه اولکه حاکمیتی و مستقللیگی بوتون حدودده تیکلندی. آزاد قیلینگن حدودلرده قیته قوریش و اهالینی اۉز یورتلریگه قیتریش ایشلری باشلندی.
۲۰۲۱-ییلده قبول قیلینگن قانونگه کۉره، ۲۸-می «مستقللیک کونی»، ۱۸-اکتبر اېسه «مستقللیکنی تیکلش کونی» دېب بېلگیلندی. مستقللیک نینگ ۳۵-ییللیگی آذربایجان خلقی‌نینگ آزادلیک کوره‌شی، ملی بیرلیک و دولتچیلیک تاریخیده‌گی مهم سنه حسابلنه‌دی.
