طالبان اېکینچیلیک، سووغاریش و چاروه‌چیلیک وزیرلیگی‌نینگ اېکینچیلیک و چاروه‌چیلیک معینی صدراعظم عثمانی بیر هیات باشچیلیگیده اۉزبېکستان کیتدی.
طالبان اېکینچیلیک، سووغاریش و چاروه‌چیلیک وزیرلیگی، بو موضوع‌نی بوگون اۉز وبسایتی‌ده یازیب و ایتیشیچه، اوشبو سفر اۉزبېکستان اېکینچیلیک وزیرلیگی‌نینگ تکلیفی‌گه بنا عمل‌گه آشیریلگن.
مذکور وزیرلیککه کۉره، بو سفر جریانیده اېکینچیلیک، چاروه‌چیلیک و آزیق-آوقت محصوللری‌نینگ پروسس بۉلیش بۉلیملری بۉییچه همکارلیکلر کوچه‌یشی توغریسیده گپله‌شیله‌دی.
شونینگدېک بو سفرنینگ اصلی مقصدلریدن بیری افغانستان و اۉزبېکستان اۉرته‌سیده‌گی عملی کېلیشوولرنینگ عمل‌گه آشیریلیشی‌نی کوزه‌تیش اېکنی ایتیلگن.
ایتیش کېره‌ک که، مذکور سفر ۷-نوامبردن ۱۲-نوامبرگچه دوام قیله‌دی.
