طالبان باش وزیری نینگ اداری اۉرین باسری و بو حاکمیت‌ده‌گی ییریک اۉزبېک مقام عبدالسلام حنفی، بیرلشگن ملتلر تشکیلاتی باش کاتبی‌نینگ افغانستانده‌گی وکیلی و یوناما باشلیغی رباب فاطمه بیلن اوچره‌شگن.
طالبان سۉلاوچیسی اۉرین‌باسری حمدالله فطرت‌نینگ ایکس صحیفه‌سیده بیر بیانات آرقه‌لی یازیشیچه، اوشبو اوچره‌شووده مملکت گه قیتگن قاچقینلر قیینچیلیگی و اولرنینگ قۉللب-قوتلنیشی حقیده صحبت بۉلگن.
بیانات گه کۉره، مذکور اوچره‌شووده یوناما باشلیغی مملکت گه قیتووچیلر قیینچیلیگی باشقریلیشینی افغانستان اوچون کتّه بیر معما دېگن.
شونده‌ی بیرحالده، عبدالسلام حنفی، افغانستان گه قیتگن سکیز میلیون‌دن آرتیق قاچقین‌نینگ قیینچیلیگی حلی اوچون طالبان تامانیدن سعی‌وحرکت قیلیشینی بېلدیرگن.
اونینگ کۉپه‌یتیریشیچه، شونینگدېک تېگیشلی نهادلر هم مملکتگه قیتگن قاچقینلر حقوقینی قۉللب-قوتلش، ایش امکانیتینی یره‌تیش و اولرگه باش‌پنه قوریلیشیده همکارلیک قیلیشلرینی سۉره‌گن.
