طالبان اېکینچیلیک، سووغاریش و چاروه‌چیلیک وزیرلیگی‌نینگ ایتیشیچه، اوشبو وزیرلیک اېکینچیلیک و چاروه‌چیلیک اۉرین‌باسری صدراعظم عثمانی اۉزبېکستان گه قیلگن سفری جریانیده سمرقند والیسی بیلن اوچره‌شگن.
اوشبو اوچره‌شووده ایکّی تامان اېکینچیلیک، سووغاریش و چاروه‌چیلیک همده اېکینچیلیک بیلن تېگیشلی صنعتلر بۉلیملریده ایکّی تامانلمه همکارلیکلر مستحکملنیشی حقیده صحبت قیلگن.
عثمانی مذکور اوچره‌شووده افغانستان و اۉزبېکستان اۉرته‌سیده‌گی قۉشمه همکارلیکلر مستحکم‌لنیشیگه اورغو بېریب و ایتیشیچه، ایکّی مملکت آره‌سیده‌گی تاریخی، فرهنگی و دینی علاقه‌لرگه اعتبار قره‌تیلیش بیلن تورلی بۉلیملرده همکارلیکلر رواجلنیشی اوچون یخشی امکانیتلر موجود.
طالبان اېکینچیلیک و چاروه‌چیلیک اۉرین‌باسری، سمرقند والیسینی اېکینچیلیک و چاروه‌چیلیک بۉلیمی بیرمانلریدن تشکیل اېتیلگن تخنیکی بیر هیات بیلن افغانستانگه سفر قیلیب، بو بۉلیملرده سرمایه کېریتیلیش فرصتلر و امکانیتلرنینگ یقیندن کۉریشلرینی سۉره‌گن.
شونده‌ی بیرحالده، سمرقند والیسی بو تکلیفدن خورسندلیک بېلدیریب و یقینده ملکه‌لی هیات بیلن افغانستان گه سفر قیلیب و قۉشمه همکارلیکلر شرایطلرینی یقیندن کۉریب چیقیش تۉغریسیده امیدوارلیک بېلدیرگن.
شونینگدېک سمرقند حاکمی، تخنیکی تجربه‌لرنی المشتیریش تۉغریسیده همکارلیک قیلیش، مسلکی کدرلرنی تعلیم بېریش، بیلیم همده تکنولوژینی یېتکزیش و ایکّی مملکت سرمایه کېریتووچیلری و کمپنیه‌لری آره‌سیده علاقه قۉریلیشی اوچون اۉز تیارگرلیگینی بېلدیرگن.
