استرلیا تشقی ایشلر وزیرلیگی برچه وطنداشلریدن افغانستان‌گه سفر قیلمسلیکلرینی سۉره‌گن.
اوشبو وزیرلیک ۱۴- قوس سه‌شنبه کونی، بیر اعلامیه نشر قیلیب ایتیشیچه، طالبلر کنترولی آستیده‌گی افغانستان‌ده «کۉپ و دواملی ترورچیلیک» هجوملر خوفلی سېزیله‌دی.
اعلامیه‌ده یازیلیشیچه: «ترورچیلر چیت ایللیکلر، نا دولت تشکیلاتلر و انسان‌پرورلیک عملیاتلرنی نشانگه آلیشگه دوام بېره‌دیلر»
آسترلیا تشقی ایشلر وزیرلیگی نینگ کۉپه‌یتیریشیچه، بو مملکت نینگ افغانستان‌ده هیچ بیر دیپلماتی یۉق و بولرنینگ قونسلی و پاسپورت خذمتلری قابلیتی هم چېکلنگن دیر.
بوندن آلدین فارن پالیسی مجله‌سی طالبلر ینه بیر بار گروگه آلیش سیاستگه یوز کېلتیرگن و اروپالیک وامریکالیک بیر نېچه یشاوچینی اوشلب آلگنلر دېب گزارش بېرگن اېدی.
بو گزارشلرگه قره‌گنده، طالبلر چېت اېللیکلرنی گروگه آلیش بیلن سیاسی باسیم اۉتکزیش، تورمه‌ده‌گیلرنی المشتیریش و افغانستان پوللرینی آزاد قیلیشگه اولگوره‌دیلر.
