واشنگتن پست کونده‌لیگی نینگ گزارشی اساسیده، 2023- ییلده امریکا ده کمیده 38 عاموی آتیشمه صادر بۉلگن که بو، میلادی 2006- ییل دن بیری اینگ بویوک رقم نی کۉرسته‌دی.
اوشبو کونده‌لیک «عاموی قاتل‌لیک» اته‌مه‌سینی هجومچیلرنینگ اۉزینی حساب گه آلمه‌گنده، تۉرت یا اوندن آرتیق کیشی اۉلدیریلگن واقعه‌لرگه نسبتن قۉللنگن.
اۉتگن ییل (2022) 36 عاموی آتیشمه بیلن ریکارد اۉرنتگن اېدی، بیراق جاری ییل (2023) 38 عاموی آتیشمه بیلن ینگی ریکارد اۉزیگه قید اېتگن.
واشنگتن پست نینگ گزارشی گه اساس، 2023- ییلده امریکا ده یوزبېرگن آتیشمه‌لر عاقبتیده کمیده 197 کیشی هلاک و 91 کیشی ایسه جراحت کۉتارگن.
شوندی بیرحالده، 2006- ییلدن بیری شونگه اۉخشش واقعه‌لرده هلاک اېتیلگنلر سانی 2423 کیشی گه ییتیشگن.
