(ActionAid) خلق‌ارا غیردولتی تشکیلاتی غزه‌ده‌گی عیاللر، مثلی کۉریلمه‌گن درجه‌ده زۉروانلیککه دوچ کېلیب و قمروگه آلینگن ییرلر اولر اوچون اېنگ خوفلی جایگه اَیلنگنینی معلوم قیلدی. بو خبرنی 10- دسامبر (وافا) خبری آژانسی نشر قیلگن.
اوشبو بیاناتده: «غزه ده عیاللر مثلی کۉریلمه‌گن درجه‌ده زۉروانلیک نی باشدن کېچیرماقده و اسرائیل نینگ قمرویده بۉلگن منطقه‌لرده مینگ‌لرچه عیال جان بېریب کیلماقده.
اوشبو تشکیلات اۉز بیاناتیده «اسرائیل دن یاشیم کتته» دېگنی اوچون کېکسه بیرعیال نینگ صهیونیستلر تمانیدن سنایپر آرقه‌لی اۉلدیریلگنی واقعه‌سیگه اشاره قیلگن.
گزارش ده کیلیشیچه: «غزه ده هر بیر ساعتده ایکّی آنه و هر ایکّی ساعتده اېسه 7 عیال اۉلدیریله‌دی.» عموم آلگنده، عیاللر و باله‌لر اۉلدیریلگنلرنینگ 70 فایزی نی تشکیل بېره‌دی.
شنبه کونی غزه‌ده‌گی فلسطین ساغلیق نی سقلش وزیرلیگی سوزلاوچیسی، غزه شمالیده‌گی شفاخانه اطرافیده جایلشگن اسرائیل‌لیک سنایپردار عسکرلر «دردی قوزغه‌گن» بیر نېچه حامله‌دار فلسطین‌لیک عیال نی اۉلدیرگنی و یره‌لنگنینی معلوم قیلگن.
مطبوعاتی بیر بیانیه اساسیده، غزه شمالیده‌گی حامله‌دار عیاللر شفاخانه خذمتلریدن فایده‌لنیشی منع اېتیلگن که بو توغیلمه‌گن باله‌لر و عیاللرنینگ اۉلیمی گه سبب بۉلماقده.
فلسطین ساغلیق نی سقلش وزیرلیگی معلوماتلریگه کۉره، 7- اکتوبردن بېری اسرائیل نینگ غزه گه قرشی اوروشیده جان بېرگن فلسطین‌لیکلر سانی 17700 کیشی گه یېتیشدی، اولردن 7870 ته‌سی باله‌لر و 6121 ته‌سی اېسه عیاللر دیر.
اَیتیش کېره‌ک که، بوندن آلدین یونیسف غزه نی باله‌لر اوچون اېنگ خوفلی جای دېب اعلان قیلگن اېدی.
