مینمه شهری‌نینگ غلام‌محمد میمنگی فوتبال استدیومیده بۉلیب اۉتکن اوشبو مسابقه‌ده فاریاب، جوزجان، سرپل، بلخ و سمنگان ولایتلری نینگ فوتبال جماعه‌لری قتنشگن اېدیلر.
بیله‌شووده فاریاب ولایتی‌نینگ سرسبز یاشلر فوتبال جماعهسی 8 امتیاز بیلن بیرینچی و سرپل ولایتی‌نینگ امام یحیی فوتبال جماعهسی اېسه 7 امتیاز بیلن ایکینچی اۉریننی قازاندیلر.
بېش کون دوام اېتگن مذکور بیله‌شوو 19- قوس گه باشله‌نیب و بوکون پنجشنبه اۉز یکونیگه اېتدی.
مسابقه سۉنگیده فاریاب ولایتی سرسبز یاشلر فوتبال جماعه‌سی‌نینگ اۉیینچیلریدن، شکورالله کوهی و بهرام غفوری اوشبو دور بیله‌شووی‌نینگ اېنگ یخشی اۉیینچیلری صفتیده تانېلدیلر.
افغانستان زون‌لرېده‌گی ولایتلرنینگ فوتبال جماعه‌لری آره‌سیده‌گی مسابقه‌لر، هر ییلی کوز موسومیده اۉتکزیله‌دی.
فاریاب ولایتی‌نینگ فوتبال فدراسیونی باشلیغی گل‌احمد خیری نینگ اېتیشیچه، مذکور مسابقه‌لر اوتکن ییلی بودجه تنقیص‌لیگی باعث یۉلگه قوییلمه‌گن اېدی.
