باله‌لرنی قوتقریش تشکیلاتی‌نینگ ایتیشیچه، میلادی 2024- ییلده کمیده 8 میلیون افغانستانلیک باله، آچلیک فاجعه‌سی بیل یوزمه‌یوز بۉلیشی ممکن.
اوشبو تشکیلات گه کۉره، دنیا جماعه‌چیلیگی قیش موسومیده افغانستان یشاوچیلری‌نینگ حیاتی نی قوتقریش اوچون، تیزلیککه انسان دوستلیک یاردملرنی کۉپه‌یتیریشی کېره‌ک.
افغانستان یشاوچیلریدن 15.8 میلیونی 2024- ییل مارچ آییدن آلدین جدی آچیلیک نی تجربه قیلیشی تخمین اېتیله‌دی.
باله‌لرنی قوتقریش تشکیلاتی‌نینگ ایتیشیچه، اوشبو رقمدن کمیده یریمی (7.8 میلیون) باله‌لر دیر.
افغانستان بۉییچه باله‌لرنی قوتقریش تشکیلات باشلیغی ارشد مالک نینگ ایتیشیچه: «7.8 میلیون باله یېترلی آوقتلری بۉلمه‌گن حالده، 2024- ییل گه کیریشی تخمین اېتیله‌دی.»
او افغانستانده آچیلیک همده ساووق هوانی «باله‌لر اوچون خوفلی وضعیت» دېگن.
جناب مالک، اوشبو باله‌لرنی آوقت توغریسیده بۉلگن احتیاجاتلری حل اېتیلیشی اوستیگه اۉرغولب و ایتیشیچه، آوقت خصوصیده بودجه کملیگی باله‌لر حیاتی نی خوف گه دوچ قیلیشه‌دی.
