خبرچیلر خلق‌ارا فدراسیونی، میلادی 2023- ییلده دنیا بۉیلب کمیده 94 خبرچی و میدیا ایشلاوچیسی هلاک اېتیلگنی اَیتدی.
اوشبو نهاد تامانیدن ترقه‌تیلگن رقم اساسیده، اوشبو خبرچیلردن 72 فایزی غزه ده هلاک اېتیلگن.
مذکور فدراسیون (15- قوس) شنبه کونی بیر اعلامیه آرقه‌لی یازیشیچه، غزه ده اوروش باشلنگنیدن بویان 68 خبرچی و میدیا ایشلاوچیسی اۉلدیریلگن. بولردن 61 فلسطین‌لیک خبرچی غزه ده و اوچ لبنان‌لیک خبرچی لبنان نینگ جنوبیده، اسرائیل حربیلری نینگ هجومیده اۉلدیریلگن.
شونینگدېک تۉرت اسرائیل‌لیک خبرچی حماس نینگ هجومیده هلاک اېتیلگن. اوشبو نهاد سوریه ده هم اوچ خبرچی و میدیا ایشلاوچیسی اۉلدیریلگنینی قید اېتگن.
مذکور نهاد، اوکراین اوروشیده بیر روسیه‌لیک خبرچی، بیر اوکراین‌لیک خبرچی و بیر فرانسه‌لیک خبرچیسی اۉلدیریلگن و شونینگدېک باشقه بیر خبرچی آلبانیا ده هلاک اېتیلگنی اَیتگن.
اِیسلنگن نهادگه کۉره، آسیا ده 7 خبرچی جمله‌دن ایکی خبرچی افغانستان ده، ایکی خبرچی فلیپین ده و هند، چین و بنگلادیش ده بیر بیر خبرچی اۉلدیریلگن. اوشبو نهاد افغانستان ده اۉلدیریلگن خبرچیلرنینگ کیم‌لیگینی «صدای افغان» خبرچیلری، حسین نادر و اکمل ناملی شخصلر دیگن.
مذکور فدراسیون نینگ گزارشی اساسیده، حال حاضرده 393 خبرچی و میدیا ایشلاوچیسی حبس ده حیات کیچیریب کېلماقده.
ینگی‌لیکده الجزیره خبری ترماغی 24- قوس جمعه کونی، غزه جنوبیده بیر کمره‌برداری هلاک و بیر خبرچیسی یره‌لنگنینی تصدیقله‌دی.
