طالبان نظارتیده‌گی فواید عامه وزیرلیگی، سالنگ قتناویولی یوک تاشووچی و یۉلاوچی تاشووچی موترلر یوزیگه آچیلگنیدن خبر بېرگن.
مذکور وزیرلیک تامانیدن ترقه‌تیلگن خبرنامهده کېلیشیچه، بوکوندن (پنج‌شنبه، 7- جدی) باشلب یوک تاشووچی و یۉلاوچی تاشووچی موترلرنینگ سالنگ قتناویۉلیدن اۉتیب-قیتیشی گه رخصت بېریلدی.
طالبان فواید عامه وزیرلیگی‌نینگ ایتیشیچه، 303، 404، و 580 تیپی یۉلاوچی تاشووچی موترلر عادی بیر شکلده اوشبو قتناویولدن اۉتیب-قیته آله‌دی، یوک تاشووچی موترلر اېسه اجدول اساسیده سالنگ‌دن فایده‌لنیشی ممکن.
مذکور وزیرلیک اۉز خبرنامه‌سیده، موتر هیداوچیلریدن حددن تشقری یوک انتقال بېریشدن وازکیچیش‌لرینی سۉره‌گن. خبرنامهده کۉپه‌یتیریلیشیچه، تخلف قیلگن موترلر تۉخته‌تیلیب و اېگه‌لری اېسه عدلی و قضایی اداره‌لرگه تانیشتیریلیشی ممکن.
سالنگ، افغانستان‌نینگ گاوجوم، قیین و شونینگدېک ستراتژیک قتناویۉللریدن سَنله‌دی.
اوشبو قتناویۉل افغانستان شمالینی، مملکت جنوبی گه باغله‌یدی. طالبان‌نینگ ایتیشیچه، تونل‌لرنینگ ایچکریسی شامل بو قتناویۉل نی اَیریم بولیم‌لرینی قیته قۉریشگن.
