بیرلشگن ملتلر تشکیلاتی‌نینگ خوفسیزلیک کېنگشی 8- جدی جمعه کونی، افغانستان وضعیتی حقیده بیر ییغین اۉتکزیش گه قرار قیلگن.
مذکور ییغینده، افغانستان بۉییچه بیرلشگن ملتلر تشکیلاتی‌نینگ خاص اویغونلنتیرووچیسی فریدون سینیرلی اوغلونینگ قیلگن تېکشیرووی حقیده‌گی قطعنامه لایحه‌سی، آواز بېریش گه قۉییلیشی کوتیلماقده.
اوشبو قطعنامه لایحه‌سی، جاپان و بیرلشگن عرب امیرلیگی تامانیدن تیارلنگن.
او اۉز گزارشیده، خلق‌ارا سوزلرگه عمل قیلیش و همه‌شامل اساسی قانون ایجاد اېتیلیشی، طالبان بیلن دنیا مناسبتلری‌نینگ نورمال‌لشتیریشی نی اَیتگن.
بیرلشگن ملتلر تشکیلاتی خاص کاتبی، افغانستان انسانی وضعیتی خصوصیده هم اشاره قیلگن.
مارچ آییده، ترکیه‌لیک دیپلومات فریدون سینیرلی اوغلو، بیرلشگن ملتلر تشکیلاتی تامانیدن اوشبو تېکشیروو مسوولی تعیین اېتیلدی و بو تشکیلات اېسه سینیرلی اوغلو دن، نوامبر آییده گزارشی‌نینگ ارایه قیلیشی نی سۉره‌گن اېدی.
بوکون آواز گه قۉییله‌دیگن ینگی قطعنامه، شونینگدېک افغانستان اوچون خاص بیر نماینده تعیین اېتیلیشی نی سۉره‌یدی. اَیتیلیشیچه، تعیین اېتیله‌دیگن ینگی خاص نماینده افغانستان و جهان آره‌سیده‌گی مناسبتلرنی آسانلشتیریش اوچون، کۉپراق اویغونلیک قیلیشی کېره‌ک.
شونینگدېک، افغانستانلیکلرارا تینچلیک مذاکره‌لرینی آلغه آلیب باریش، بیرلشگن ملتلر تشکیلاتی خاص نماینده‌سی نینگ قیله‌دیگن ایشلری‌نینگ بیر بولیمی دیر.
بوندن آلدین طالبان، بیرلشگن ملتلر تشکیلاتی تامانیدن افغانستان اوچون خاص نماینده تعیین اېتیلیشی نی، رد قیلگن اېدی.
