2023- ییلده سویدن‌نینگ اېنگ یخشی اۉقیتووچی مکافاتینی قۉلگه کیریتگن افغانستانلیک خانم، اوشبو مملکتده‌گی افغانستانلیک عیال مهاجرلردن، امکانیت و فرصتلردن یخشی بیر شکلده فایده‌لنیب و مقصدلریگه اېریشیش اوچون سعی و حرکت قیلیش‌لرینی سۉره‌یدی.
32 یاشر زهرا گوانی، سویدن پایتختی استکهلم‌ده اکثریت اۉقوچیلری مهاجرلر بۉلگن بیر اۉرته مکتبده درس بېره‌دی و 13 ییلدن بېری بو ساحه‌ده ایشلب کېلماقده.
خانم زهرا، سوید رادیوسی بیلن اۉتکزگن صحبتیده ایتیشیچه: «بو مکافات مېن اوچون کتته اهمیت گه اېگه و مېن جوده خرسندمن. شاگردلریم مېنی اوشبو مکافات اوچون نامزد قیلگن اېکن. آدملرنی اۉرگه‌تیش و تربیه‌لش مېنگه کوچ بغیشله‌یدی.»
مذکور اۉقیتوچی فاریاب ولایتیدن بۉلیب، ایران‌نینگ مشهد شهریده توغیلگن. او هیچ قچان افغانستاننی کۉرمه‌گن و 8 یاشیده اونینگ عایله‌سی ایران‌دن سویدن گه کۉچیب کېتیش اوچون قرار قیلیشگن. زهرا، باله‌لیکدن اۉقیتوچی بۉلیش نی آرزو قیلگن اېکن.
زهرا گوانی، مهاجرلیک قیینچلیکلریگه قرشی توریشدن هېچ قچان تارتینمه‌گن و هر دایم اۉز مقصدی (اۉقیتووچی‌لیک) گه اېریشیش اوچون سعی و حرکت قیلیب کېلگن. اوشبو اۉقیتووچی بو مملکتده‌گی مهاجرلر اینیقسه افغانستانلیکلرگه بونده‌ی توصیه قیله‌دی.
زهرا گوانی: «ینگی مملکتده یشش‌نینگ قیینلیگی انیق، چونکه همه نرسه ینگی و اجتماع ینگی و بو ییرده اېسه ینگی بیر مدنیت بار و یخشی بیر حیات گه اېگه بۉلیش اوچون، بولرنینگ برچه‌سی و قاعده و قانونلرینی تن آلیشینگیز کېره‌ک. هر کیم اۉز اَیاغی اوستیده توریش اوچون بو ییرده کۉپ امکانیت بار و هر شخص‌نینگ حیاتیده بیللی بیر غایه و مقصدی بۉلیشی کېره‌ک.
زهرا گوانی، افغانستانده عیاللر و قیزلرنینگ برابریده‌گی قیینچیلیکلر و چېکلاولردن رنج چېکماقده. اونینگ ایتیشیچه: «افغانستان و افغانستانلیک عیاللر حقیده اۉیله‌سم، یوره‌گیم آغریدی. آدملر درس اۉقیب و اولرنینگ فکری و ذهنی کېنگه‌یشی کۉپ یاقیملی. علم قابلیت و ترقیات‌نینگ کلیدی دیر. خاتین-قیزلرنینگ علمی قنچه‌لیک کۉپ بۉلسه، جامعه اوشنچه‌لیک کوچلی بۉله‌دی و رواجلنه‌دی.
باشقه تیل و مدنیت گه اېگه بۉلگن بیر دولتگه کۉچیب اۉتیش و او ییرده مقصدگه اېریشیش برابریده جوده کۉپ قیینچلیک و معمالر بار، بیراق بو قیینچلیکلردن اۉتیش اوچون کۉپ سعی و زحمت قیلیش کېره‌ک. زهرا گوانی هم شونده‌ی قیینچلیکلرنی باشدن کېچیریب اۉتگن و حاضر اېسه سویدن‌ده اېنگ یخشی اۉقیتووچی مکافاتی گه سزاوار بۉلگن.
