امریکا قوراللی زۉره‌وانلیک آرشیفی (Gun Violence Archive) بیر گزارش ترقه‌تیب اعلام قیلیشیچه، 2023- ییل امریکا قوشمه ایالتلریده قوراللی زۉره‌وانلیکلر سۉنگگی 30 ییل گه نسبتن، نظیری کۉریلمه‌گن درجه‌ده آشگن.
اوشبو گزارش اساسیده، میلادی 2023- ییل بیرینچی جنوری‌دن 31- دسامبر گچه، امریکا بۉیلب قوراللی زۉره‌وانلیکلر نتیجه‌سیده، 42 مینگ و 865 کیشی اۉلدیریلگن.
بولردن 18 مینگ و 775 ته‌سی تورلی زۉره‌وانلیکلر جمله‌دن قتل و جمعی اۉق آتیش باعث جان بېرگن و 14 مینگ و 80 ته‌سی اېسه قورال بیلن اۉزینی اۉلدیرگن. شونده‌ی بیر حالده، میلادی 2023- ییل امریکاده قورال بیلن هلاک اېتیلگنلر سانی، اۉتکن ییل گه نسبتن 3.5 فایز قویی کېلگن. شونینگدېک 2023- ییل امریکا بۉیلب 36 مینگ و 218 کیشی قورال بیلن یره‌لنتیریلگن و اوشبو رقم اۉتکن ییل گه نسبتن 50 فایز کۉپه‌یش نی کۉرسته‌دی.
اَیتیش کېره‌ک که، قوراللی زۉره‌وانلیکلر جریانیده یوزلرچه پولیس هم اوشبو اولکه‌ده هلاک و یره‌لنگن.
مذکور گزارش اساسیده، امریکا میلادی 2023- ییلده 650 عاموی اۉق آتیش گه شاهد بۉلگن که بو رقم 2020- ییل گه نسبتن 8 فایز دن آرتیق کۉپه‌یش نی کۉرسته‌دی.
امریکا قوشمه ایالتلریده 2022- ییل قانلی آتیشمه‌لردن کېین، اوشبو مملکت کانگرسی اۉتکن ییل جون آییده قورال نی کنترول قیلیش لایحه نی تصویب و جمهوررییس بایدن اېسه اونینگ عاجل توشیح قیلدی.
بو قانون عمومی امنیت گه تهدید و خوفلی کۉرینه‌دیگن کیشیلرگه قورال ساتیش نی منع قیله‌دی.
