بیرلشگن ملتلر تشکیلاتی‌نینگ انسانی یاردملر ایشلری بۉییچه اویغونلیک قیله‌دیگن اداره‌نینگ ایتیشیچه، جاری ییل باشلنگنیدن بویان طبیعی حادثه‌لردن ضرر کۉرگنلر شامل، انسان دوستلیک اقداملرنی فعال قیلیش و حمایت اېتیش اوچون افغانستان، بیرلشگن ملتلر تشکیلاتی‌نینگ شاشلینچ عکس‌العمل صندوغیدن 53 میلیون دالر و شونینگدېک 135 میلیون دالر اېسه افغانستان انسان‌دوستلیک صندوغیدن قۉلگه کیریتگن.
اوچا (9- جدی) شنبه کونی بیر اعلامیه ترقه‌تیش بیلن مذکور یاردملر، باش‌پناه، آوقت، ساغلیق، و سوو بولیملریده صرف اېتیلگنی اَیتدی.
شونینگدېک اوچانینگ ایتیشیچه، جدی آچلیک بیلن یوزمه‌یوز بۉلگن افغانستانلیکلر سانی کمه‌یگن بیرحالده، ینه‌ده جاری ییل نوامبر آییدن کیله‌جک ییل مارچ آیی گچه 15.8 میلیون کیشی جدی آچلیک نی تجربه قیلیشی ممکن.
اَیتیش کېره‌ک که، بوندن آلدین بیرلشگن ملتلر تشکیلاتی افغانستانده موجود قیینچلیکلر گه اشاره قیلیش بیلن، میلادی 2024- ییل اوشبو مملکتده انسانلر یوقاری درجه‌ده محتاج قالیشی نی بیلدیرگن اېدی.
