10- جدی یکشنبه کونی، جوزجان ولایتیده قرقین و خمآب اولوسواللیکلری آره‌سیده اوغلاق مسابقه‌سی اۉتکزیلدی. اوشبو مسابقه قرقین اولوسواللیگی‌نینگ اوغلاق میدانیده یۉلگه قوییلیب و مذکور اولوسواللیکلردن اونلرچه پهلوان قتنشگن.
اوشبو بیر کونلیک اوغلاق مسابقه‌سیده خمآب اولوسواللیگی‌نینگ چاپندازلری آخر اوغلاق نی آلیش بیلن، خمآب اولوسواللیگی اوستیگه غلبه قیلگن.
بو مسابقه جوزجان ولایتی‌نینگ سپورت اداره‌سی تامانیدن یۉلگه قوییلگن و مذکور ایکی اولوسواللیکدن کمیده 40 پهلوان حصه قۉشگن.
جوزجان سپورت اداره‌سی مسوللری، اوشبو مسابقه یۉلگه قوییلگنیدن اساسی مقصد محلی سپورت اۉیینلرینی قۉللب-قۉه‌تلش دېیشگن.
