طالبان حکومتی نینگ تشقی ایشلر وزیرلیگی، بو وزیرلیک سرپرستی امیرخان متقی ییتکچیلیگیده بۉلگن بیر هیات ترکمنستانگه سفر قیلگنیدن خبر بېردی.
طالبان حکومتی نینگ بو هیاتی، ترکمنستان تشقی ایشلر وزیری رشید مرادوف نینگ رسمی دعوتی آرقه‌لی بو مملکت سفر قیلگنی بیلدیریلگن.
طالبان تشقی ایشلر وزیرلیگی سۉزلاوچیسی نینگ اۉرین‌باسری ضیااحمد تکل اۉزینی ایکس صحیفه‌سیده بو خصوصده ترقه‌تگن بیاناتی‌گه، مذکور سفر جریانیده ایکی مملکت آره‌سیده‌گی تورلی خیل مساله‌لر محاکمه اېتیلیشیدن خبر بېرگن.
دیمک، بو هیات طالبان تشقی ایشلر همده کانلر و پترولیم وزیرلیک‌لری سرپرست‌لری و افغانستان تیمیر یۉل و برق ییتکزیش (برشنا) اداره‌لری رسمی‌لریدن شامل دېب، معلوم قیلینگن.
ایتیش کېره‌ک که اوتکن کون، ترکمنستان مملکتی منطقه تشقی ایشلر وزیرلرینی افغانستان خصوصیده بۉلگن کیله‌سی ییغین‌نی میزبان‌لیک قیلیشی ایتیلگن اېدی.
