بیرلشگن ملتلر تشکیلاتی نینگ خوفسیزلیک کینگاشی تمانیدن افغانستان بۉییچه مخصوص وکیل تعیین اېتیش قراریگه نسبتآ کۉرسه‌تیلگن عکس العمللر قطاریده، انسان حقلرینی سقلش جمغرمه‌لر بیرلیگی مذکور مخصوص وکیللرنی افغانستان بوییچه بیرلشگن ملتلر تشکیلاتی اداره‌سی یا یونما اۉرنیده تعیین اېتیلیشینی ایسته‌گنلر.
انسان حقلری فعاللری نینگ آچیقلمه‌سیده اۉتکن ایکی ییل دوامیده عیاللر و انسان حقلرینی ایاغ آستی قیلیش واقعه‌لریگه قرشی یونما خادملری سیس چیقارمه‌ی و طالبان گروهیگه یان باسیشگه عیبلنماقده.
باشقه تماندن بیرلشگن ملتلر تشکیلاتی نینگ افغانستان بۉییچه اداره‌سی دییرلی 23 ییل آلدین ینگی قوریلگن توزومنی حمایت اېتیش مقصدیده وظیفه‌لنتیریلگن. حاضر اېسه جمهوریت حکومتی موجود بۉلمه‌گنی باعث یونما نینگ هم وظیفه‌سی یکون تاپگن دېب ایتماقده‌لر.
بیرلشگن ملتلر تشکیلاتی افغانستانده‌گی موجود وضعیتنی اۉرگنیش اوچون ترکیه‌لیک دیپلمات فریدون سېنېرلی اۉغلی نی مخصوص وکیل صفتیده تعیین قیلیب، افغانستانده‌گی موجود وضعیت گزارشینی خوفسیزلیک کېنگاشیگه تقدیم ایتدی.
گزارشده خوفسیزلیک معمالری، عیاللر و انسان حقلرینی ایاغ آستی بۉلیش مسله‌لری و اۉلکه‌ده سیاسی برقرارلیک یۉقلیگی معماسیگه قۉشیمچه دنیا همجمعیت مملکتلرینی طالبان بیلن کېلیشیشگه ترغیب اېتگن.
هرچند طالبان آتیدن فریدون سېنېرلی اۉغلی نینگ گزارشیگه قرشی بیانات اۉرته‌گه چیقدی. اما اۉتگن هفته بیرلشگن ملتلر تشکیلاتی نینگ خوفسیزلیک کېنگاشیده آلینگن قرار روسیه و چین تشقری 13 اعضاسی نینگ موافق رای بیلن تصدیقلندی.
بیرلشگن ملتلر تشکیلاتی نینگ خوفسیزلیک کېنگاشی قراری اساسیده بیرلشگن ملتلر تشکیلاتی اعضاسی، منطقه اولکه‌لری، مدنی فعاللر و عیاللر حقیدن مدافعه اېتوچی آقیملر مصلحتی بیلن ینگی بیر هییت تعین اېتیلیشی کوتیلماقده.
افغانستانلیک انسان حقلرینی سقلش جمغرمه‌لر بیرلیگی ایسه مذکور قرارنی آلقیشلب، اېسکیدن فعالیت یوریته‌یاتگن یونما اۉرنیده ایشگه باشله‌شینی ایسته‌ماقده‌لر.
