جاپان‌نینگ ایشیکاوا منطقه‌سی محلی رسمیلری‌نینگ ایتیشیچه، 1- جنوری دوشنبه کونی یوزبېرگن زلزله‌ده کمیده 30 کیشی جان بېرگن.
گزارشلر اساسیده، حاضر اېسه قوتقرووچی تیملر بنالر آستیده بند قالگن کیشیلرنینگ نجات بېریش اوچون، سعی و حرکت قیلیب کېلماقده.
7.6 بویوکلیگیده یوزبېرگن اوشبو زلزله، بنالردن کۉپینچه‌سینی ویران و شونینگدېک یوللرنی تۉسیب قۉیگن.
جاپان هواشناسلیک آژانسی گه کۉره، بیرینچی زلزله‌دن کېین کمیده باشقه 140 ییر آستی سیلکینیش نی انیقله‌گن و کیله‌جک کونلرده باشقه کوچلی‌راق زلزله یوزبېریشی ممکن‌لیگی حقیده آگاه‌لنتیرگن.
شونینگدېک کېتمه-کېت زلزله‌لر، اۉن مینگلرچه اوی نینگ برقی نی کېسیب قۉیگن.
رسمیلرنینگ بیاناتی اساسیده، ساغلیق مرکزلریده سوو و برق کانال‌لری نینگ کېسیلیشی زلزله‌دن ضرر کۉرگنلرگه یاردم بېریش نی قیین قیلگن.
جاپان اېنگ کۉپ زلزله یوزبېره‌دیگن اولکه‌لردن بیری بۉلیب و هر ییل اوشبو مملکتده 1 مینگ و 500 مینگ گه یقیین زلزله یوزبېره‌دی.
