چهارشنبه کونی، جدی آیی‌نینگ 14-سی فاریاب ولایتی‌نینگ شیرین تگاب اولوسواللیگیده یۉلگه قوییلگن اۉغلاق مسابقه‌سیگه مذکور ولایت‌نینگ شیرین تگاب، میمنه، گورزیوان، دولت آباد، خواجه سبزپوش، قیصار، المار، پشتونکوت و اندخوی تورتله اولوسواللیکلریدن چمه‌سی یوز آت و چاپنداز قتنشگن.
اوشبو بیر کونلیک مسابقه‌ده برچه چاپندازلر ایکی کتته جماعه گه ایریلیب بیراوگه قرشی بیللشگنلر. مسابقه نتیجه‌سیده شیرین تگاب اولوسواللیگی شامل بۉلگن اۉغلاق جماعه‌سی بیر اۉغلاق‌نی حلال جوریگه اېتکزیب مسابقه‌نی قازانگن بیرینچی جماعه دېب تانیلگن.
مسابقه‌گه شیرین تگاب و قۉشنی اولوسواللیکلردن مینگلرچه تماشاچی قتنه‌شیب چاپندازلرنی آلقیشلشگنلر.
اوغلاق مسابقه‌سی فاریاب سپورت اداره‌سی تمانیدن یۉلگه قۉیېلیب، یخشی کۉرشگن چاپندازلر نقدی ساوغه‌لر بیلن آلقیشلنگن.
