قویاش 1382- ییل افغانستان پایتختی کابل‌ده اۉتکزیلگن قورلتایده تصویب اېتیلگن سۉنگی اساسی قانونده دولتچیلیک توزومی، جمهوریت حاکمیتی، سۉز اېرکینلیگی، انسان حقلرینی سقلش و شونگه اۉخشش آلینگن اۉنلرچه اۉنملی قرارلرگه قۉشیمچه، پشتو و دری تیللری یانیده ایلک مرته اۉزبېک تیلی اساسی قانونده رسمیت مقامینی قازاندی. عین حالده، 20 ییل گه یقین دوام اېتگن جمهوریت حاکمیتیده اۉزبېک تیلی دیپارتمنتلری و اۉزبېک تیلیده فعالیت قیله‌دیگن یېتکرمه‌لر آچیلیب و شونینگدېک درسلیکلر، کلاسیک و معاصر اثرلر باسیب چیقاریلدی.
شونگه اۉخشش اۉنلرچه مدنی جمغرمه‌لر ایجاد اېتیلیشی و اۉزبېک ملتی‌نینگ تاریخ و مدنیتی‌گه تېگیشلی قطار فعالیتلر، منه شو اساسی قانون سایه‌سیده عملگه آشدی.
اۉزبېک تیلی 1382- ییل دنیا بۉیلب ایکینچی اولکه افغانستان اساسی قانونیده، رسمی دولت مقامینی اۉزیگه آلگن و بیرینچی اېسه قوشنی مملکت اۉزبیکستان، میلادی 1989- ییل، 21- اکتبر اۉزبېک تیلی‌نینگ اۉز اساسی قانونیده رسمی تیل صفتیده قبول قیلگن.
