بوگون پنجشنبه، جدی آیی نینگ 14-سیده جوزجان ولایتی آقچه اولوسواللیگی نینگ فوتسال جماعه‌لری آره‌سیده باشلنگن مسابقه نتیجه‌سیده قویاش اسملی فوتسال جماعه‌سی بیرینچی قهرمانلیک اۉریننی قازانگن.
دییرلی بیر آی دوام اېتگن اوشبو مسابقه‌گه آقچه اولوسواللیگی نینگ قشلاقلریدن 14 فوتسال جماعه‌سی قتنشگن.
اوشبو مسابقه‌لر نتیجه‌سیده قویاش فوتسال جماعه‌سی بیرینچی و آیدین فوتسال جماعه‌سی ایکینچی اۉرینلرنی ایگله‌گنلر.
مسابقه جوزجان ولایتی‌نینگ سپورت اداره‌سی تمانیدن یۉلگه قۉییلگن. 28 کون دوام اېتگن مذکور مسابقه‌گه آقچه و یقین قشلاقلریدن یوزلرچه تماشاچی قتنشگن.
مسابقه‌‌ده قهرمانلیک قازانگن جماعه‌لر و اېنگ یخشی اۉیینچیلر جوزجان ولایتی سپورت اداره‌سی مسئوللری تمانیدن تقدیرلنگنلر.
